19.7.12

Կյանքի նզովքը լքվածին...

Կամա՜ց-կամա՜ց նահանջում է մեգը,
Ու մի նորահույս օրվա մեջ կրկին,
Գտնում է իրեն մոլորված մեկը`
Իրեն հանձնելով օրվա խաղերին...

Ինքը իր հանդեպ խղճահարության
Անիմաստ դրամա, անփոփոխ սցենար,
Անհուշ օրերից սկսված պատմություն
Անվերջ պարտությամբ լճացած պայքար:

Եվ ևս մի օր....

Բազում հարցերի հավերժ թանձրացում
Եվ ծանրացում կասկածների,
Եվս մի խնդիր, որ չունի լուծում,
Եվս մի հյուլե ծախված դարերի....

Հետո նորից կտարածվի մեգը
Ու երազաբեր գիշերվա շեմին
Օրվա քաոսում թափառած մեկը
Հոգնած գլուխը կդնի բարձին....

Ու ինչ-որ մտքեր` մութ ու անմեկին,
Մի պահ կայծ կտան , նորից կմարեն
Այնքան ժամանակ մինչև որ ցրվի շաղը մեգի
Ու հաջորդ օրը իր նոր նզովքը կբերի կրկին....

Օ՜, ինչ դժվար է կյանքից նզովված ապրել աշխարհում.....

Որոշել եմ, պիտի ապրե՜մ...

Որոշել եմ, պիտի ապրեմ,
Քեզ հետ լինի, թե ռանց քեզ,
Երազներով պիտի ապրեմ,
Ու վայրենի իմ երգերով...
Պիտի հարբեմ ու արբենամ
Խենթ օրերով, հուր կրքերով,
Ճակատագրի դաժան խաղով
Ամենօրյա անգութ մարտով
(Որ մղում ենք ինքներս մեր ու մահի դեմ),
Պարտությունով, հաղթանակով,
Խաղաղ ապրած իմ ժամերով,
Լուսամարմին աղջիկներով, 
Ընկերական գինարբուքով,
Խաղ ու տաղով, կատակներով,
Նույնիսկ` այս հին մոլորակի
Մամռակալած պտույտներով։
Պիտի հարբեմ,
Ու վայրենի իմ երգերով քեզ հիշեցնեմ,
Որ հարբելով կյանքս ամբողջ,
Ընդդեմ մահվան ես քայլելով`
Դեպի մահը մի մեծ քայլ եմ անում այդպես...

Որոշել եմ, պիտի ապրե՜մ,
Քեզ հետ լինի, թե.... առանց քեզ....

17.7.12

Նոր կյանք…

Ես կուլ եմ տվել իմ արցունքները
Նրանք հոսում են իմ երակներում,
Ես ներքաշել եմ իմ մեծ ցավերը,
Ու խցանել եմ իմ բջիջներում:
Ես փոխում եմ արյունը իմ,
Նույնիսկ նրա կարգն եմ փոխում,
կարգը, ասենք, կլինի հինգ
Ու ֆակտորը նրա ռեզուս
Էլ չի լինի ոչ դրական, ոչ էլ մինուս....
... Իռացիոնալ կյանք եմ ուզում.........

11.7.12

Երազանքատիպ…

Երբ իմ մագլցած կառափնարանի
Կախանի սյունը ծաղկած կտեսնեմ,
Կհաշվեմ կյանքիս մի լուրջ ձեռքբերում`
Հրաժարումս....

2.6.12

Տողատակը...

Տողիդ տակին
Ու հատակին
Զգացմունքների
Ունայնություն...

Արհեստական,
Արհեստակա՜ն
մի խորություն...

Մի լճացում
Զգացումների,
Ուր ճանճն անգամ
չի խեղդվի...

Տողիդ տակին՝
Դատարկություն....